Friday, May 13, 2016

නොකී කතාවක

පින්තුරේ මෙතනින් ගත්තේ

මියැදුණු හැඟුමක් සොරකම් කල නුඹ
සිතුවිලි මගේ යලි කළඹා
නොනැගුනු වදනක සීතල හිමකැට
උනුහුමකින් ගුලි කරවා
නොකී කතාවක
වගතුග මොනවද ඇසුවා
පෙරදා මතකය සරදම් කල හඬ
යන්තම් දෙසවන රැඳුනා
නොදැනිම මුව ගොළු වූවා

ගිනියම් සිත මත පිනි බිඳු තැවරු
වසන්තයේ වැහි තිබුණා
වැසි කුලු මෙතරම් කළු කිමදැයි
නිකමට සැක සිතුනා
ඉඳහිට විදුලිය මහ හඬ නැගුවද
ගැස්සුණු සිත් වෙළුනා
මාරුත අතරේ ප්‍රේම තරන්ගේ
කොහේදෝ මානෙක ඇදුනා
නොකී කතාවක ප්‍රේමයේ උණුසුම
වැහිපොද අතරේ දැනුනා
නොදැනිම ප්‍රේමය වින්දා

වැහිබිඳු ගිනිගෙන කාලය අළුකර
අසනි වැසි ඇද වැටුණා
නුබේ ලොවක් තුල මගේ ඉමක් ගැන
සිහිනය පැටලී තිබුනා
මා දුටු සිහිනය මගෙන් උදුර ගෙන
ප්‍රේම කුණාටුව හැමුවා
රුවල් ඉරීගිය පහුරක තනිවී
මා පෙරමග තව බැලුවා
නොකී කතාවක මැවෙනා සිතුවම්
නෙතු මානයේ බොඳ වූවා
නොදනිම කඳුලක් වැටුණා

මියැදුණු හැඟුමක් සොරකම් කල නුඹ
සිතුවිලි මගේ යලි කළඹා
නොනැගුනු වදනක සීතල හිමකැට
උනුහුමකින් ගුලි කරවා
නොකී කතාවක
වගතුග මොනවද ඇසුවා
පෙරදා මතකය සරදම් කල හඬ
යන්තම් දෙසවන රැඳුනා
නොදැනිම මුව ගොළු වූවා

35 comments:

  1. කවියක් කොටන්න හැදුව සෑහෙන වතාවක්. නෑ බං එන්නෙ ඉස්සර වගේ අදහසක්...
    දැං තියෙන්නෙ උඹල ලියන ඒව කියවල හිත හදාගන්න තමා...
    ලස්සන කවියක්... පරණ කතාවක් මතක් වුනා.. දැං අහන්න එපා ඒ මොකද්ද කියල...
    ජයවේවා මචෝ

    ReplyDelete
    Replies
    1. එතකොට උඹ අර අවන්හලේ දාල තියෙන්න අහවල් කවිද? හැක්. මොකද පරණ කතාව, කියපන් කියපන් දැන්ම කියපන්.

      Delete
    2. ප්‍රියා අයියා ඕකගේ බොරු ඔය.

      Delete
    3. ඒ නොලිය ඉ්න හදපු කතාවක්.. ඇත්තටම කියව නං කෙටි කතාවක් පස්සෙ කවියක් කරපු. ඒකත් ඇත්තම සිද්ධිමන්ට් එකක්.. මං මට ඕන විදියට එහෙං මෙහෙං වෙනස් කලා
      එච්චරයි...
      බලමු බලමු පුලුවං වෙලාවක කවියක් දෙකක්ලියාගන්න

      Delete
    4. හැක් උඹ කොහොමද එහෙම එහෙන් මෙහෙන් වෙනස් කරන්නේ.

      Delete
  2. Replies
    1. නැහැනේ :( එපා වෙලා ඉන්නේ :'(

      Delete
  3. Replies
    1. හැක් වෙල්කම් ප්‍රියා අයියා. :D එක තමා හිතා ගන්න බැරිව ඉන්නේ සමහර කතා නොකිය ඉන්න තරමට හොඳයි.

      Delete
  4. මේ කතාව නම් නොකී කතාවක්ම වෙයි වගේනේ.

    මියැදුණු හැඟුමක් නම් සොරකම් කරලා තියෙන්නේ අවුලක් නැති වේවිනේ.

    ReplyDelete
    Replies
    1. නොකීයනම කතාවක් වෙයි, උස්සපු හැඟිමෙයි අවුඅ තියෙන්නේ.

      Delete
  5. කියන්
    හිතේ
    රැඳුනු
    වදන්
    තවත්
    වරක්
    නිහඬ
    නොවී

    ReplyDelete
    Replies
    1. හා හා එහෙමවත් බලමුකෝ :D

      Delete
  6. ' ගිනියම් සිත මත.....
    .....ප්‍රේමය වින්දා '

    අපූරුයි.

    ජයවේවා !!!

    ReplyDelete
    Replies
    1. ගිනියම් සිතම මත ප්‍රේමය වින්දා
      ඇවිලෙන සිතුවිල හදවත රන්දා

      Delete
  7. හරිම ලස්සනයි සොමියෝ..
    වෙන කියන්න වචනයක් නෑ මට.වෙනම ලෝකෙකට ගියා වගේ..
    හැම වචනයක් ගානෙම හිතට වැදුනා.

    ReplyDelete
    Replies
    1. හා හා මේ ලෝකෙට වරෝ, ඔය ලෝකේ ඉන්නේ නැතිව. :D ඉස්කොතුයි ඉස්කොතුයි, යේ ලියන්නේ නැතෙයි?

      Delete
    2. ලියනව ලියනවා.. පහුගිය ටිකේ නම් වෙලාවක් හම්බුනේම නෑ සොමියො.. මං මේ බ්ලොග් එකේ "සංකල්පනා ලේබලේ පෝස්ට් ටික එකින් එක කියවන්න පටන් ගත්ත අඟ ඉදන් මුලට..

      ඒ නිසා දැන්ම මේ ලෝකෙට එන්න හැකියාවක් නෑ:D
      නියමයි සොමියෝ..

      Delete
    3. හික් මේ ලෝකෙට එන පාට හොයා ගන්න බැරි උනොත් ඔන්න මම නම් නැහැ හරිය ;) ඉස්කොතුයි පරණ පිටු පෙරලලා බලනවට. :)

      Delete
    4. අම්මෝ පරණ ඒවා ඔක්කොම කියෙව්වා. දවස් ගානකට මේ ලෝකෙට එන්න වෙන්නෙ නෑ සොමියෝ..
      නියමයි..

      Delete
  8. මැරිච්චි ඒවත් හොරකං කරන පෙරේත යක්කු. හැක්.

    ReplyDelete
    Replies
    1. හැක් හැක් :D එකනේ දේශා අයියා.

      Delete
  9. නොකී කතාව කියන්න කල්පනාවක් හෙම නැද්ද?

    ලස්සනයි කවිය!

    ReplyDelete
    Replies
    1. නොකී කතා කියන්න කාලයක් ආවොත් එදාට කියන්නම්. ස්තුතියි සිතු.

      Delete
  10. Replies
    1. බිඳී අක්කව ඒ පැත්තට සාදරෙන් පිලිගන්නවා, ස්තුතියි අදහස් කියල ගියාට.

      Delete
  11. අඩෝ පට්ටයි බං මේක..

    ReplyDelete
    Replies
    1. ඉඳල හිටලා වත් ඔහොම පට්ට පොස්ට් එකක් දෙකක් තලා ගන්නේ නැතිව කොහොමද? හැක්.

      Delete
  12. එහෙම මියැදුනු හැඟුම් වලට පන දෙන්න පුලුවන් අය හොයා ගන්න කොයි තරන් අමාරුද ... හරිම අපූරුයි, අවසාන පද ටික තම වැඩියෙන් හිත ගත්තේ..

    පෙර කලෙක රිසි ලෙසින් පෙම් කලත් මා
    නෙක වැටකඩොලු මැද වසා දැමුවත් මා
    ඇයි ආවේ අසමි නොකියාම මේ ලෙසේ මා
    පන්හිද කියන් නුඹ ඉන්නවද පෙර ලෙසේ ලගින් මා..

    ReplyDelete
  13. ලංසන කවියක්, ඒවගේ අය ඉන්නවා අපි අතරේම, එත් එයාලවත් දන්නේ නෑ ඒ දේ ගැන.

    ReplyDelete
  14. නුබේ ලොවක් තුල මගේ ඉමක් ගැන
    සිහිනය පැටලී තිබුනා
    මා දුටු සිහිනය මගෙන් උදුර ගෙන
    ප්‍රේම කුණාටුව හැමුවා
    රුවල් ඉරීගිය පහුරක තනිවී
    මා පෙරමග තව බැලුවා

    මේ තරම් හෙමිහිට සීරුවට හැඟීම් එක්ක කතා කරන සොඳුරු නිර්මාණ කොහොම බිහිවෙනවද මන්දා . සුපිරි !

    පෙරදා මතකය ගැන යලි සිහිපත් කලාට තුති !ඒක වැස්සත් එක්ක එක්කාසු කලාම හරිම ආදරණීයයි . ඒ වගෙම වේදනාත්මකයි. ජයවේවා !

    ReplyDelete
    Replies
    1. හික්ස්, ඒවා රහස් ;) ස්තුතියි මෙතු, මෙතුගේ රටාවත් ඒ වගේමයි.

      Delete
  15. සෑහෙන දොහකින් මේ පැත්තෙ ආවෙ.
    උඹේ පද පෙල ගැන නිනන්වක් නැතුව උඩ තියෙන කලු සුදු පින්තූරෙ දිහා බලාන උන්නා.

    ReplyDelete
    Replies
    1. ඒක අපුරු පින්තුරයක් නේ සිරා අයියා. ඒ පැත්තෙත් එන්න බැරි උනා සැහෙන්න කාලෙකින්. සිරා අයියාගේ ජාලෙන් පෙරාපු කතා අමතක නැහැ තවම.

      Delete

කියවලා හිතෙන දේ ලියල යනවනම් ගොඩක්ම වටිනවා, ඒ ලියල යන දේ මට තවත් ලියන්න හයියක් වේවි.

Related Posts Plugin for WordPress, Blogger...